द फ्रीलान्सर
THE FREELANCER
इनायतखान आणि अविनाश कामत दोघेही मुंबई पोलीसमधील सहकारी आणि मित्रही. एका राजकीय प्रकरणात दोघेही निलंबित होतात.
या गोष्टीला आठ वर्षे होऊन गेलीत.मध्येच बरेच काही घडलंय. अविनाश कामत परदेशात गेला आणि त्याचे अस्तित्व जवळजवळ नाहीसे झाले.इनायतखान एका अपघातात अधू झालाय .त्याची मुलगी आलिया मोठी झाली .ती परदेशात शिक्षण घेतेय. तिथेच तिची ओळख असर फाजलशी होते.फाजल कुटुंबाचा मलेशियात बिझनेस असतो .ते चार भाऊ असतात.सर्वात छोटा भाऊ पायलट असतो.
आलियाचे विधिवत लग्न होते .महिनाभर सर्व व्यवस्थित चालू आहे .एक दिवस आलिया वडिलांना ते सर्व दुबईला जातायत असे सांगते.अचानक सर्व इस्तंबूलला जातात.तिथूनच आलियाचा आपल्या आई वडिलांशी कॉन्टॅक्ट तुटतो.आता ती इस्तंबूलमार्गे सिरीयात दाखल होते. सिरीयात आयसिसचे राज्य आहे.
इथे इनायतखान आपल्या मुलीचा शोध घेण्याचा प्रयत्न करतो.पण सगळीकडून त्याला अपयश येतेय.शेवटी तो अविनाश कामतला कॉन्टॅक्ट करायचे ठरवतो आणि त्यासाठी त्याला एक किंमत द्यावी लागते.
अविनाशला इनायतखानविषयी कळते आणि तो भारतात दाखल होतो.तो आता एक भाडोत्री सैनिक म्हणून काम करतोय.भरपूर पैसे घेऊन विविध देशात त्याच्या कारवाया चालू आहेत.भारतात त्याचा डॉ खान हँडलर आहे.
आता अविनाशवर आलियाला सोडवून आणण्याची जबाबदारी आहे. तो सुरवात कुठून करणार ? ती सिरीयात असेल तर तिथून बाहेर काढणे अशक्य आहे असे डॉ खानचे म्हणणे आहे.
अविनाश आलियाला सिरियातून बाहेर काढेल का ??
हॉटस्टारवर सुरू असलेली द फ्रीलान्सर अतिशय वेगवान ऍक्शन ,थरारक सिरीज आहे.
मोहित रैना ,अनुपम खेर, सुशांत सिंह सारखे स्टार कलाकार यात महत्वाच्या भूमिकेत आहेत.
No comments:
Post a Comment