नीयत

NEEYAT

नीयत

आशिष कपूर उर्फ ए. के.प्रसिद्ध भारतीय उद्योगपती.पण भारतात वीस हजार कोटीची अफरातफर करून परदेशात पळून गेलाय.सध्या त्याने इंग्लंडमध्ये दूर एक राजवाडा विकत घेतलाय.आता तो हेलिकॉप्टरने राजवाड्यात आपला वाढदिवस साजरा करण्यासाठी आलाय.त्याने आपल्या नातेवाईकांना आणि मित्रपरिवाराला तिथेच बोलावून घेतलंय. हळू हळू त्याचे नातेवाईक आणि मित्र राजवाड्यात दाखल होतात.पाहुण्यांची यादी इव्हेंट मॅनेजरच्या हातात आहे तो पाहुणे चेक करतोय.आज तिथे वादळाची शक्यता आहे म्हणून मॅनेजरचा सगळा स्टाफ लवकर घरी गेला. ए के चा मुलगा ,त्याची मैत्रीण , ए के चा प्रिय मित्र ,मेव्हणा अशी बरीच मंडळी तिथे हजर आहेत.

वाढदिवसाची पार्टी चालू असतानाच तिथे मीरा राव हजर होते.ए के तिची ओळख सीबीआय ऑफिसर म्हणून करून देतो.तिचे नाव पाहुण्यांच्या यादीत नाही .आपण भारतात परतणार असून सरकारच्या स्वाधीन होणार आणि आपली सगळी संपत्ती सरकारच्या ताब्यात देणार असे ए के पार्टीत जाहीर करतो .सगळेच खुश होतात . पण मध्येच काही वाद निर्माण होतात म्हणून ए के बाहेरच्या कड्यावर जातो .काही वेळाने त्याचे मृत शरीर कड्याखाली खोल दरीत सापडते.

सगळे समजतात त्याने आत्महत्या केलीय.तशी चिट्ठीही त्याच्या टेबलवर सापडते.एक आय विटनेसही आहे.पण मीरा ती आत्महत्या नसून खून आहे असे सांगते. ती तपासाला सुरवात करते. तिथे हजर असलेल्या प्रत्येकाजवळ खुनासाठी हेतू आहे हे सिद्ध करते. मग सुरू होते खूनसत्र .

मीरा राव आपले बुद्धिचातुर्य पणाला लावून खून कोणी आणि का केलाय हे सिध्द करेल का ?

एक अनपेक्षित शेवट असलेला अगाथा ख्रिस्तीच्या रहस्यकथेला शोभेल असा चित्रपट प्राईमवर उपलब्ध आहे.

विद्या बालन आणि राम कपूर प्रमुख भूमिकेत आहेत.

ज्यांना मर्डर मिस्ट्री आवडते त्यांनी हा चित्रपट चुकवू नये.