UPGRADE
अपग्रेड
ग्रे एक मोटर मॅकनिक आहे. ज्याला नवीन टेक्नॉलॉजीविषयी फारशी आवड नाही .स्वतःच्या हाताने काम करणे आवडते.पण त्याची बायको आशा एका मोठ्या रोबोटिक्स कंपनीत काम करते.जी फक्त ऑर्डर देऊन सर्व कामे करते. तिची कारही तिच्या आवाजावर चालते.
त्या दिवशी ते ग्रेच्या एका कस्टमरकडे जातात. ग्रेचा तो कस्टमर जमिनीखाली एका मोठ्या बंगल्यात राहतो.त्याला प्रसिद्धी नकोय ,लोकांचा सहवासही नकोय. बोलता बोलता तो त्यांना एक छोटी चिप दाखवतो. त्या चिपने मानवात खूप बदल होईल असे त्याचे म्हणणे.ग्रे त्याचे म्हणणे उडवून लावतो.तर आशा खूप उत्साहित होते.परत घरी येताना आशाच्या स्वयंचलित गाडीत बिघाड होतो आणि ती गाडी शहराच्या जुनाट भागात येते.तो भाग असा आहे की तिथे गुंड मवाली लोकांचे राज्य आहे.
तेथील गुंड ग्रे आणि आशावर हल्ला करतात.त्यात आशा मारली जाते आणि ग्रे मानेखाली अधू होतो.एरॉन जो ग्रेचा कस्टमर होता . तो ती चिप ग्रेच्या मानेत बसवतो. एरॉन त्या चिपला स्टीम नाव देतो. अतिशय गुप्तपणे झालेल्या ऑपरेशननंतर ग्रेच्या शरीरात बदल होतो.तो उठून हिंडाफिरायला लागतो. तो स्टीमला प्रश्न विचारतो आणि स्टीम त्याची उत्तरे देतो इतकेच नव्हे तर कधी कधी स्टीम त्याला सल्ले ही देतो.
स्टीम त्याला आशाचा खुनी शोधून देण्यास मदत करतो.हळूहळू स्टीमच्या मदतीने ग्रे त्यांच्यावर हल्ला करणाऱ्या सगळ्यांना शोधून काढतो .पण आशाच्या खुनामागे केवळ लूटमारी नसून वेगळेच कारण आहे असा त्याला शोध लागतो. तो त्या प्रकरणाच्या मुळापर्यंत जातो आणि खऱ्या सुत्रधाराला शोधून काढतो. पण हे करताना त्याचा शेवट मात्र अनपेक्षित असतो.
टेक्नॉलॉजी हळूहळू मानवात किती बदल करतोय हे दाखविणारा हा चित्रपट नेटफ्लिक्सवर हिंदी भाषेत उपलब्ध आहे .
No comments:
Post a Comment