HIDDEN STRIKE
हिडन स्ट्राईक
बगदादमधील वैराण वाळवंटात ती ऑइल रिफायनरी आहे. ती रिफायनरी चायनाच्या ताब्यात आहे.आता त्यांना ती रिफायनरी बंद करून ग्रीन झोनमध्ये जायचे आहे. सर्व कर्मचाऱ्यांना तेथून घेऊन जाण्यासाठी कॅप्टन लु फेंग त्याच्या तुकडीसह रिफायनरी दाखल झालाय. प्रमुख स्त्रीने रिफायनरीचा सगळा डेटा पेन ड्राईव्हवर कॉपी करून तो लु फेंगच्या मुलीकडे देते.लु फेंग आणि त्याच्या मुलीचे फारसे पटत नाही .हायवेच्या डेड झोनमधून जाताना अचानक गाड्यांवर हल्ला होऊन एका बसचे अपहरण होते.
क्रिस त्या वाळवंटातील छोट्या गावात एक अनाथाश्रम चालवितो.पाण्यासाठी पैश्याची गरज आहे म्हणून तो आपल्या भावाला त्या बसचे अपहरण करण्यात मदत करतो पण भावाच्या काही गोष्टी पटत नाहीत म्हणून तो पुन्हा गावी निघून येतो .बसमधील ओलीस ठेवलेल्या कर्मचाऱ्यांकडून अपहरणकर्त्याना तो पेन ड्राईव्ह हवाय.
लु फेंग आणि त्याची मुलगी क्रिसच्या मदतीने ओलिसांची कशी सुटका करतात हे पाहण्यासाठी हा चित्रपट पाहायलाच हवा.
लु फेंगच्या भूमिकेत जॅकी चेनने नेहमीप्रमाणे धमाल केलीय .यावेळी त्याच्या साथीला जॉन सीना आहे. या चित्रपटातील ऍक्शन बघण्यासाठी आहे. फाईट सीन पाहताना आपण जॅकी चेनच्या जुन्या काळात जातो.
प्रत्येक जॅकी चेन प्रेमींनी कुटुंब सोबत पाहायला हवा असा हा चित्रपट नेटफ्लिक्सवर हिंदी भाषेत उपलब्ध आहे .
No comments:
Post a Comment