द आउट लॉ

THE OUT LAWS

द आउट लॉ

ओवन एक साधा भोळा तरुण बँकेत मॅनेजर आहे.त्याचे पार्करशी लग्न ठरलंय. तो पार्करवर खूप प्रेम करतो आणि तिच्यासाठी काहीही करायची त्याची तयारी आहे. लग्नाची तयारी चालू असताना पार्कर आपले आईवडील लग्नाला हजर राहणार असल्याचे सांगते आणि ओवन खुश होतो.ते अमेझॉनच्या जंगलात राहतात असे पार्कर सांगते.

दोन दिवसानंतर बिल आणि लिली ओवनला भेटतात.त्यांना पाहून ते पार्करचे आईवडील असतील यावर ओवनचा विश्वास बसत नाही .दोघेही उमदे आणि हसतमुख असतात. 

दुसऱ्या दिवशी ओवनच्या बँकेत दोन बुरखेधारी शिरतात.त्यांना तिजोरीचे सर्व पासवर्ड माहीत असतात. ओवनला बंदुकीच्या धाकावर तिजोरी खोलायला लावून सर्व रक्कम घेऊन पसार होतात .ते चोर पार्करचे आईवडील बिल आणि  लिली असावेत असा ओवनला संशय येतो.

त्यानंतर पार्करचे अपहरण होते आणि त्याबदल्यात  अपहरणकर्ते ओवन आणि बिलकडे 5 करोडची मागणी करतात.त्यासाठी ओवन बिल आणि लिलीला बँक लुटायचा सल्ला देतो .

ओवन ,बिल आणि लिली बँक लुटण्यात यशस्वी होतील का ?

बिल आणि लिली खरोखरच बँक लुटेरे आहेत का??

एक धमाल विनोदी ऍक्शन चित्रपट जो पाहताना हसून हसून पुरेवाट होईल .

चित्रपट नेटफ्लिक्सवर हिंदी भाषेत आहे .