हंटर

HUNTER

हंटर

विक्रम एक बदनाम पोलीस ऑफिसर. तो अंमली पदार्थाचे सेवन करतो.पैश्यासाठी तो हरवलेल्या व्यक्तींना शोधून देण्याचे काम ही खाजगीरीत्या करतो.एकूण काय, तर ही कोणालाही नकोशी वाटणारी व्यक्ती आहे.अगदी त्याच्या बायकोलासुद्धा.

एके दिवशी बारमध्ये दारू पीत असताना त्याच्याकडे अंकिता येते.अंकिताने त्याच्यासाठी एक काम आणलेले असते.लीना थॉमस नावाच्या स्त्रीला शोधायचे आहे .विक्रम आपल्या हॅकर मित्राच्या साहाय्याने तिचा पत्ता शोधून काढतो आणि तिला जाऊन भेटतो.लीना थॉमस एक प्रसिद्ध उद्योगपती स्त्री आहे.

तिथे त्याची ओळख दिव्याशी होते .दिव्या एक पत्रकार असून लीना थॉमसवर पुस्तक लिहिण्यासाठी आली आहे असे कळते.

दुसऱ्या दिवशी लीना थॉमसची क्रूरपणे हत्या होते.सीसी टीव्हीत विक्रमच तिला मारताना स्पष्टपणे दिसतोय . त्याच्या बोटांचे पुरावे आणि इतर काही गोष्टी तिथे आहेत.

विक्रमचा प्रतिस्पर्धी पोलीस ऑफिसर हुडा आता त्याच्या मागे लागलाय.संधी मिळेल तेव्हा विक्रमला ठार मारायचे हाच हेतू आहे.

इतका मोठा पुरावा विक्रमच्या विरुद्ध असताना आता तो स्वतःचे निरपराध असणे कसे सिद्ध करेल?

साधे खून प्रकरण पुढे भलतेच वळण घेत जाते . हे प्रकरण सुरू असतानाच दुसरे प्रकरण विक्रमच्या अंगावर आदळते. त्यासाठी दुसऱ्या सिजनची वाट पहावी लागेल.

सुनील शेट्टी, राहुल देव ,इशा देओल ,स्मिता जयकर अशी तगडी स्टारकास्ट असलेली ही ऍक्शन पॅक सिरीज आपल्याला अमेझॉन मिनी टीव्हीवर पाहायला मिळेल .

दुसऱ्या सिजनमधील प्रमुख खलनायक पाहून आपली उत्सुकता नक्कीच वाढेल .