THE POP'S EXORCIST

द पोपस एक्झॉसिस्ट

THE POP'S EXORCIST

फादर गॅब्रिएल अमोर्थ हा इतर फादरपेक्षा थोडा वेगळा आणि थोडा घमेंडी होता.कधीकधी नियमांच्या बाहेर जाऊनही काम करायचा. सैतानांपासून लोकांना मुक्त करणे हे त्याचे काम .

आजही त्याच्यासाठी एक काम आलेय.पोपने स्वतः त्याला ते काम दिलंय. स्पेनमध्ये एका छोट्या गावात जुने चर्च आहे. जुलिया नावाच्या विधवेच्या नावावर हे चर्च आहे.तिला ते वारसा हक्काने मिळाले आणि त्याची थोडीफार दुरुस्ती करून तिला ते विकायचे आहे .तिला एमी नावाची मुलगी आणि हेन्री नावाचा छोटा मुलगा आहे. सध्या ते चर्चमध्ये राहायला आलेत .

हेन्रीला सैतानाने झपाटले आहे आणि त्याला बरे करण्याची जबाबदारी गॅब्रियलवर येते. गॅब्रियलच्या मदतीसाठी फादर थॉमसही तिथे हजर असतो. गॅब्रियलला पाहताच हेन्रीतील सैतान खुश होतो . त्याला गॅब्रियलचा संपूर्ण इतिहास माहीत आहे इतकेच नव्हे तर तो फादर थॉमसच्या काही खाजगी गोष्टी सांगतो.या सैतानाने नाव कळल्याशिवाय आपण काहीच करू शकत नाही असे गॅब्रियल थॉमसला सांगतो आणि तो त्या चर्चमध्येच शोध घेण्यास सुरुवात करतो .

सैतान फक्त गॅब्रियलवर सूड उगविण्यासाठीच हेन्रीच्या शरीरात शिरलाय हे गॅब्रियलला कळते.आता तो हेन्रीबरोबर स्वतःचीही सुटका कशी करेल हे पाहण्यासारखे आहे.

फार वर्षांपूर्वी excorcist नावाचा चित्रपट आला होता.त्यातील काही दृश्यतर भयानक होती. यातील बरीचशी दृश्य संयमित आहेत.

रसेल क्रोसारखा दमदार अभिनेता फादर गॅब्रियलच्या भूमिकेत छाप पाडून जातो .

चित्रपट नेटफ्लिक्सवर हिंदी भाषेत आहे .

ज्यांना हॉरर दृश्य आवडत नसतील त्यांनी हा चित्रपट पाहू नये.