रफूचक्कर

रफूचक्कर

RAFUCHAKKAR

आईवडिलांच्या लग्नाच्या वाढदिवसादिवशीच पोलीस अधिकारी शौर्या चौतलाने प्रिन्स उर्फ पवनकुमारला अटक केली.आपला मुलगा काहीच कामाचा नाही ,अपयशी बावळट अशीच प्रिन्सच्या आईवडिलांची समजूत होती. प्रिन्स तसाच होता शांत अबोल भोळा.

सर्वेश पठाणीया  नावाच्या उद्योगपतींला करोडो रुपयांना फसविल्याचा त्याच्यावर आरोप होता. अजय चौहान बनून सर्वेश पठाणीयाच्या मुलीला प्रेमाच्या जाळ्यात ओढून त्याच्याकडील करोडो रुपये घेऊन पसार झाला असा आरोप होता. 

सर्वेशने देशातील उत्कृष्ट वकील रितू अरोराला या केससाठी आणली.प्रिन्सच्या वकिलाने जयदेवने सर्व आरोप फेटाळले. मग रितूने शौर्याच्या मदतीने त्याच्या फसवणुकीच्या अजून काही केसेस कोर्टासमोर आणल्या .

एका प्रकरणात त्याने डायट स्पेशालिस्ट बनून काही स्त्रियांना फसविले होते तर एका प्रकरणात वेडिंग प्लॅनर बनून श्रीमंत पंजाबी फॅमिलीला फसविले होते.

कोर्टात यावर खटला सुरू असताना शौर्या या प्रकरणाचा तपास करीत असते. तिला काही पुरावे ही मिळतात पण आयत्यावेळी ते चुकीचे सिद्ध होतात.आपल्यावरील सर्व आरोप पवनकुमार नाकारीत असतो. ज्यांनी ज्यांनी प्रिन्सवर फसवणुकीचे आरोप केले होते त्यांचा एकमेकांशी काही संबंध आहे का ?

खरेच प्रिन्स उर्फ पवनकुमार खरोखरच ठग आहे का ??त्याने सर्वेश पठाणीयाच का टार्गेट बनविले आहे. 

एक रोमांचकारी ,वेगवान सिरीज जिओ सिनेमावर फ्री उपलब्ध आहे .

मनीष पाल, प्रिया बापट ,सुशांतसिंह सारखे अभिनेते यात प्रमुख भूमिकेत आहेत.