WOMAN OF THE DEAD
वुमन ऑफ द डेड
मार्क एक प्रामाणिक पोलीस ऑफिसर . त्याची पत्नी ब्लूम प्रेतांना अंत्यसंस्कारासाठी सजविण्याचे काम करते. त्यांना दोन छोटी मुले आहेत. मार्कचे वडीलही त्यांच्यासोबत राहतात.
एक दिवस घरातून कामावर जाण्यासाठी बाहेर पडत असताना मार्कचा भयानक अपघात होतो आणि तो मरतो. हे सगळे ब्लूमच्या समोरच घडते.
काही महिने उलटतात तरी मार्कचा अपघात करणाऱ्या गाडीचा शोध लागत नाही . मार्कची मोटारसायकल मॅकेनिक तयार करून ब्लूमच्या हवाली करतो .त्यात मार्कचा मोबाईलही असतो.
मार्कच्या फोन कॉलमध्ये एक नंबर सारखा दिसत असतो .ब्लूम त्या नंबरवर फोन करते तेव्हा पलीकडून एक स्त्री बोलत असते.ब्लूम तिचा माग काढते आणि तिला घरी आणते.तिच्या बोलण्यातून ब्लूमला कळते मार्कचा अपघात नसून खून करण्यात आला आहे.
ब्लूम एक एक पुरावा शोधत जाते आणि अनपेक्षित सत्य शोधून काढते.
जर्मनीतील बर्फाच्छदीत छोट्याश्या गावात ही सिरीज चित्रित केली आहे.अतिशय निसर्गरम्य बर्फाच्छदीत डोंगररांगा, निर्मनुष्य रस्ते , कमी लोकवस्ती यामुळे सिरीजला वेगळेपणा आलाय .
सहा भागाची ही सिरीज नेटफ्लिक्सवर हिंदी भाषेत आहे .
No comments:
Post a Comment