UNKNOWN
अंनोन
डॉ. मार्टीन हॅरीस आणि त्याची पत्नी लिझ एका बायोटेक्नॉलॉजी कॉन्फरन्ससाठी बर्लिनला आलेत.
बर्लिनला ते पहिल्यांदाच येतायत असे मार्टिन म्हणतोय.ते आपल्या हॉटेलमध्ये शिरतात आणि आपली बॅग टॅक्सीत किंवा गाडीत विसरलोय असे त्याच्या लक्षात येते .
तो ताबडतोब मागे फिरतो आणि मिळेल ती टॅक्सी पकडून आपल्या टॅक्सीच्या मागे लागतो.पण त्याच्याच टॅक्सीला अपघात होऊन ती पाण्यात कोसळते .टॅक्सी ड्रायव्हर जिना त्याला वाचवते पण ती बर्लिनला अनधिकृतपणे राहत असल्यामुळे तिथून पळून जाते.
मार्टिनला जेव्हा जाग येते तेव्हा तो हॉस्पिटलमध्ये असतो.तो चार दिवस कोमात होता आणि त्याला प्रथम काही आठवत नसते. हळू हळू त्याला थोडे थोडे आठवते आणि तो हॉटेलमध्ये जातो. पण तिथे डॉ मार्टिन हॅरीस नावाची दुसरीच व्यक्ती हजर असते. इतकेच काय त्याची पत्नीही त्याला ओळखायला नकार देते.तोच डॉ .मार्टिन हॅरीस असल्याचे कोणतेही पुरावे सापडत नाहीत.शेवटी तो नाईलाजाने परत फिरतो.
तो पुन्हा हॉस्पिटलमध्ये जातो .तिथे एक नर्स त्याला एका व्यक्तीचा अड्रेस देऊन तुला मदत करेल करेल असे सांगते. जुर्गन एक माजी नाझी ऑफिसर मार्टिनला मदत करण्याचे ठरवितो.
एका कॅफेमध्ये जिना त्याला भेटते .पैश्याची लालूच देऊन मार्टिन तिच्या घरी जातो पण तिथे त्यांच्यावर दोन गुंड हल्ला करतात. त्या हल्ल्यातून ते कसेबसे वाचतात आणि जुर्गनला भेटतात.जुर्गनने काही माहिती जमा केलेली असते .
डॉ. मार्टिन हॅरीस नक्की कोण आहे ?.त्याला स्वतःची पत्नीच ओळख का दाखवत नाही ?.त्याच्यावर हल्ला करणारे गुंड कोण आहेत ? या कारस्थानामागे नक्की कोण आहेत ? त्यांची योजना यशस्वी होईल का ?
लियाम नेसनची प्रमुख भूमिका असलेला हा वेगवान रहस्यमय चित्रपट नेटफिक्सवर आहे .
No comments:
Post a Comment