IB 71
आय बी 71
1971 च्या भारत पाकिस्तान युद्धापूर्वी बऱ्याच काही घटना घडल्या त्या अजूनही पडद्याआड आहेत.
त्यातीलच ही एक कथा.हा चित्रपट सत्य घटनेवर आधारित आहे .भारताचा ईशान्य पूर्वेकडील भाग तोडून आपल्या घशात घालायचा चीनचा इरादा होता.त्यासाठी त्यांनी पाकिस्तानला हाताशी धरले होते.पाकिस्तानलाही पूर्व पाकिस्तानवर आपली पकड मजबूत करायची होती.
या सर्व योजना पूर्ण करण्यासाठी पाकिस्तानी सैन्य लवकरात लवकर पूर्व पाकिस्तानात जाणे गरजेचे होते आणि त्याला हवाईमार्ग हाच एक पर्याय होता.
आयबी एजंट देवला याची माहिती मिळते.दहा दिवसांनंतर पाकिस्तान आणि चीन भारतावर कधीही हल्ला करू शकतात . पण त्यासाठी भारतीय सैन्य तयारीत नाही आणि पाकिस्तानला आंतरराष्ट्रीय कायद्यानुसार आपल्या भूमीवरून हवाई उड्डाणाची बंदीही ते घालू शकत नाही .अश्या दुहेरी पेचात भारत सापडतो.
अचानक काश्मीरमध्ये भारतविरोधी काहीतरी कारस्थान शिजतेय असे देवला कळते आणि तो याच कारस्थानाचा फायदा भारतासाठी कसा वापरता येईल याची योजना बनवितो.
तीस भारतीय एजंटला घेऊन तो ही योजना तयार करतो .पण हे ऑपरेशन पूर्ण करताना बऱ्याच समस्यांना तोंड द्यावे लागते.
देवची योजना यशस्वी होईल का ??
तो आपल्यासाहित तीस एजंटला वाचवू शकेल ?
विद्युत जमवालने देवची मुख्य भूमिका केली आहे.यात त्याला हाणामारीचे फारशी संधी नाही .मराठी अभिनेता सुव्रत जोशीला मोठी आणि महत्वाची भूमिका आहे.
No comments:
Post a Comment