बर्ड बॉक्स बार्सिलोना

BIRD BOX BARCELONA

बर्ड बॉक्स बार्सिलोना 

ज्यांनी सॅन्ड्रा बुलोकचा बर्ड बॉक्स चित्रपट पाहिला असेल तर त्यांना या चित्रपटाची कल्पना येईल. विशिष्ठ पक्ष्यांपासून आणि वाऱ्यातून पसरणारा हा रोग माणसांना आत्महत्या करायला भाग पाडतो. कोणी म्हणतात हा व्हायरस आहे तर कोणी म्हणते सैतानी शक्ती आहे. जे उघड्या डोळ्यांनी पाहतात ते ताबडतोब आत्महत्या करतात.

बार्सिलोना शहरात हा व्हायरस पसरतो तेव्हा सॅबेस्टीन ऑफिसमध्ये असतो. त्याच्या आजूबाजूला आत्महत्येचे प्रमाण वाढू लागते तेव्हा तो मुलीला आणायला शाळेत जातो. तिला घेऊन डोळे बंद करून तो घरी येतो पण घराजवळच त्याची पत्नी अपघातात मरते.

तो चर्चमध्ये जातो तिथे फादर त्याला सांगतो इतरांचे डोळे घडून त्यांना मृत्यू दे .त्यांचे आत्मे मुक्त कर .शहरात काही विशिष्ट लोक असतात ज्यांना  त्या व्हायरसची लागण  लागून काही होत नाही .त्याच्या मनावर कसलाही परिणाम होत नाही उलट ते इतरांचे डोळे जबरदस्तीने उघडून त्यांना आत्महत्या करायला भाग पाडतात.

सॅबेस्टीनही त्यातील एक आहे .तो जीव वाचवत लपलेल्या व्यक्तींना शोधतो आणि संधी मिळताच त्यांचे डोळे उघडून व्हायरसची लागण करतो . त्याची मुलगीही त्याला साथ देते. पण कुठेतरी अजूनही तो पूर्णपणे व्हायरसच्या आहारी गेला नाही .तो स्वतःशी झगडून यातून बाहेर पडायला बघतोय .आणि म्हणूनच तो एका ग्रुपमधील छोट्या जर्मन मुलीला आणि लेडी डॉक्टरला वाचविण्याचा प्रयत्न करतोय.

सॅबेस्टीन त्यांना कसे वाचवेल ? त्यासाठी त्याला स्वतःशी आणि फादरशी लढावे लागेल .

एक वेगवान थ्रिलर ,थोडी हॉरर मुव्ही नेटफ्लिक्सवर हिंदी भाषेत आहे.