फॉर अ फ्यू डॉलर्स मोर ..1965
दिग्दर्शक सर्जिओ लिओनचा डॉलर्स ट्रिलॉजीमधील हा दुसरा चित्रपट.याही चित्रपटात क्लिंट इस्टवूड प्रमुख भूमिकेत आहे . पण त्याच्यासोबत ली व्हॅन क्लीफ हा तगडा कलाकार आहे .जियन मारिया हा प्रमुख खलनायिकेच्या भूमिकेत आहे .
पार्श्वसंगीत चित्रपटाचा प्राण आहे . संथ अंगावर काटा आणणारी थीम आपल्याला श्वास रोखून धरायला लावते .
क्लिंट आणि ली व्हॅन हे दोघेही शिकारी आहेत. सरकारने जाहीर केलेल्या गुन्हेगारांना शोधून त्यांना पुन्हा सरकारच्या ताब्यात देऊन बक्षीस कमावणे हा दोघांचा हेतू .दोघेही स्वतंत्र काम करतात .
एका तुरुंगातून जियन मारिया आपल्या टोळीच्या मदतीने पळून जातो आणि एक बँक लुटण्याची योजना आखतो . त्याच्यावर नेहमीप्रमाणे मोठे बक्षीस जाहीर होते . त्याला पकडण्यासाठी हे दोन्ही शिकारी गावात दाखल होतात . पण जियनची टोळी बघता ते दोघे एकत्र येण्याचा निर्णय घेतात .
पुढे काय ....??
खरोखर जियन बँक लुटेल...?? दोन्ही शिकारी आपल्या योजनेत यशस्वी होतील ...?? त्यासाठी त्यांनी काय केले हे मात्र बघण्यासारखे आहे .
क्लिंट इस्टवूडने आपली काऊबॉयची भूमिका अतिशय प्रभावीपणे केली आहे . यात हाणामारी नाही पण बंदुकबाजी खूप आहे . डोळ्यांची पापणी लवायच्या आत रिव्हॉल्वर होस्टरमधून बाहेर काढून गोळ्या झाडणे हे केवळ क्लिंट इस्टवूडलाच जमू शकते . कमीत कमी देहबोलीतून अभिनय कसा करून घ्यावा हे सर्जिओ लिओनकडूनच शिकावे
No comments:
Post a Comment