अलक...४
"बाबा...रोज दाढी करा हो .. काय हा अवतार बनवलाय...?? विडिओ कॉलवरून तो वडिलांना ओरडला.तसे हॉस्पिटलमध्ये त्यांना उपचार देणारा डॉक्टरही हसू लागला ."इकडे कोण करणार माझे ..?? असे बोलून त्यानी कॉल बंद केला .
पण आज स्मशानात त्या प्लास्टिक बॅगमध्ये नुकत्याच गुळगुळीत दाढी केलेल्या चेहऱ्यात त्याचे वडील शांत झोपलेले दिसत होते .
घरी आल्यावर त्याने डॉक्टरांना फोन केला . पलीकडून इतकेच उत्तर आले ."इतके तरी तुझ्या बाबांसाठी मी नक्की करू शकत होतो".
© श्री. किरण कृष्णा बोरकर
No comments:
Post a Comment