अलक ...१
पैसे ब्लाऊजच्या खळगीत खोचून ती त्याचा हात धरून घरात शिरली . पण घरात त्या चार महिन्याच्या बाळाला पाहून तो थबकला."काही नाही ..तो झोपलाय ..नाही उठणार..." असे म्हणत तिने त्याला अंगावर ओढले . तो रंगात येऊन पुढे पाऊल टाकणार इतक्यात ते बाळ जोरजोरात रडत जागे झाले . तिने त्याला अंगावरून बाजूला केले . बाळाला मांडीवर घेऊन छातीशी लावले."झोपेल तो आता ....." ती अपराधी चेहऱ्याने म्हणाली.रंगाचा बेरंग होताच त्याचा मूड गेला.कपडे नीट करत पायात चपला घालून तो बाहेर पडला.तिचे दोन अश्रू बाळाच्या मांडीवर असलेल्या लाल भागावर पडले . चिमटा काढून लाल झालेली मांडी त्याच्या गोऱ्या शरीरावर उठून दिसत होती .
© श्री. किरण कृष्णा बोरकर
No comments:
Post a Comment