द लॉस्ट सिम्बॉल .... डॅन ब्राऊन
अनुवाद.......अशोक पाध्ये
मेहता पब्लिकेशन
अमेरिकेतील मेसन हा खूप जुना पंथ होता. असे म्हणतात की जॉर्ज वॉशिंग्टन हा मेसनच्या उच्च स्थानावर होता . गूढ आणि प्राचीन रहस्ये मेसनपंथीय प्राणपणाने जपत होते. पंथाच्या सर्वोच्च पातळीवर अर्थात 33 व्या पातळीवर गेलेल्या मेसनला सर्वोच्च रहस्ये ज्ञात होतात आणि त्याचा स्वर्गाकडे जाण्याचा मार्ग खुला होतो अशी दंतकथा प्रचलित आहे.
मालख... एक क्रूर गुन्हेगार आज कपटाने मेसन पंथाच्या 33 व्या स्थानी पोचला आहे . पण त्याला अजूनही ती रहस्ये सांगितली नाहीत . शेवटी त्याने ती रहस्य जाणून घेण्यासाठी पीटर सॉलोमनला पळवून नेले . त्याच्याकडून फक्त त्याला एका प्रवेशद्वाराची माहिती मिळाली.होय... तेच ते मानवाचे देवात रूपांतर होणारे प्रवेशद्वार .. पण ते आहे कुठे ...?? त्याची चावी कोणाकडे आहे ...?? जो या रहस्याचा भेद करून प्रवेशद्वार शोधेल त्यालाच इथे येण्याचे निमंत्रण दिले पाहिजे .
कॅपिटोल इमारतीच्या गोल भागात बरोबर मध्यभागी एक वस्तू ठेवली आहे.त्यावर पाच भेसूर चिन्हे आहेत. ती वस्तू पाहताच चिन्हशास्त्रज्ञ असलेल्या रॉबर्ट लँग्डनला कळून चुकले की त्याला निमंत्रण दिले आहे .एका गुप्त जगात ज्याची माहिती फारच कमी जणांना आहे अश्या जगात त्याला बोलावले आहे आणि तो हे निमंत्रण टाळू शकत नाही .रॉबर्टचा गुरू आणि मार्गदर्शक पीटर सॉलोमन याला अतिशय क्रूरपणे पळवून नेण्यात आले होते. पीटर हा मेसन होता .त्याला सोडवून आणण्याची जबाबदारी अश्या निमंत्रणाद्वारे रॉबर्टवर टाकली गेली. ते त्याला स्वीकारावेच लागणार आहे .त्यासाठी त्याला गूढ रहस्ये ,चिन्हे यांचा अभ्यास करावा लागेल .
पण खरोखरच वॉशिंग्टन शहरात अशी काही रहस्ये गूढ जागा होत्या....?? असे कोणते प्रवेशद्वार आहे जे मेसनपंथीयांनी शेकडो वर्षे दडवून ठेवले होते . खरेच त्या सर्वोच्च पातळीवर पोचल्यावर माणसाचे देवात रूपांतर होते..?? अशी कोणती गोष्ट रॉबर्टकडे आहे जी ते रहस्य उलगडवू शकेल . यामध्ये सीआयए काय करतेय...?? तिला ही घटना राष्ट्रीय सुरक्षितता का वाटत आहे ....?? सीआयए ची प्रमुख या प्रकरणात जातीने का लक्ष देत आहे ..??
पीटरला सोडविण्यासाठी आणि ते रहस्य सोडविण्यासाठी आता रॉबर्टकडे फक्त काही तास शिल्लक आहेत .
नेहमीप्रमाणे चोवीस तासात घडणारी ,रहस्यांनी गुंतलेली...वेगवान कादंबरी
© श्री. किरण कृष्णा बोरकर
No comments:
Post a Comment