अलक ...६

अलक .........?????

गेले चार दिवस सतत तो स्मशानात कोरोना मृतदेहांवर अंत्यसंस्कार करीत होता . मृतांची नुसती रांग लागली होती . एकच काम करता करता तो थकून गेला होता .त्याच वेळी दोघेजण त्याला आत येताना दिसले . च्यायला स्मशान काय फिरायची जागा आहे . तो मनात म्हणाला . पण ते दोघे त्याच्याजवळ आले . एकाने त्याच्या खांद्यावर हात टाकला आणि बाजूला नेऊन म्हणाला . भाऊ किती काम कराल . थोडी विश्रांती घ्या . असे म्हणून त्याला बाजूला बसवले . या  कडक लॉकडाऊनमध्ये ही बाटली देऊन काळजी घेणाऱ्या मित्रांचे त्याला कौतुक वाटले . बाटली तोंडाला लावून दोन घोट घेऊन म्हणाला दोस्ती बडी चीज हैं .

© श्री. किरण कृष्णा बोरकर