शौर्य

शौर्य 

खरे तर कॅप्टन जावेदखानचे कोर्टमार्शल एकदम सरळ आणि सोपे होते. काश्मीरमधील पुंछ गावात भारतीय सैन्याचे सर्च ऑपरेशन सुरू असताना कमांडिंग ऑफिसर राठोड कॅप्टन जावेदखानच्या हातून मारला गेला.सर्व पुरावे आरोपीच्या विरुद्ध होते ..या घटनेला आय विटनेसही होते. इतकेच नव्हे तर स्वतः जावेदखानने आपला गुन्हा कबूल केला होता. त्यामुळे फक्त प्रोसिजरनुसार कोर्टमार्शल होऊन कॅप्टन जावेदखानला शिक्षा होणार हे नक्की .

मेजर आकाश आणि मेजर सिद्धार्थ दोघेही जिगरी दोस्त . दोघेही आर्मी लॉयर.सिद्धार्थ थोडा हौसमौज करणारा दऱ्याखोऱ्यात भटकणारा आर्मी जीवन नकोसे असणारा .या दोघांची नेमणूक जावेदखानच्या कोर्टमार्शलसाठी वकील म्हणून होते .

सिद्धार्थ जावेदखानचा बचावाचा वकील होतो .अतिशय सरळ दिसणाऱ्या घटनेमागे सिद्धार्थही सरळ नजरेने पाहत असतो.

बिग्रेडियर प्रताप या विभागाचा प्रमुख ऑफिसर . अतिशय कडक ,निडर जो अतिरेक्यांची गय करीत नाही अशी त्याची ख्याती . ते सर्च ऑपरेशन त्याच्या परवानगीनेच झालेले असते .

काव्या एक लोकल पत्रकार ..दिसायला सुंदर . ती सिद्धार्थला विचारते तू या केस चा अभ्यास तरी केला आहेस का...?? 

जावेदखानची आई सिद्धार्थला सांगते माझा मुलगा दोषी असेल तर त्याला शिक्षा झालीच पाहिजे.

कोर्टमार्शल सुरू होते तेव्हा सिद्धांत आरोपी निरपराध आहे असे सांगून सर्वांना धक्का देतो . अगदी जावेदखानला सुद्धा .

मग या घटनेमागे नक्की काय घडलंय याचा शोध सुरू होतो. काव्या सिद्धार्थच्या  मदतीला येते. त्यातून उलगडते एक अनपेक्षित सत्य .. जे फार भयानक आहे ... सर्वांना पचवायला जड जातेय ...

काय आहे हे सत्य...?? हे सत्य कॅप्टन जावेदखानला निर्दोष शाबीत करेल का ...?? 

 हा चित्रपट हिंदी नाटक कोर्टमार्शल आणि हॉलिवूड चित्रपट फ्यू गुड मेन यावर बेतला आहे असे म्हणतात .

चित्रपटात राहुल बोस,जावेद जाफरी,मनीषा लांबा ,के के मेनन यांच्या प्रमुख भूमिका आहेत . तक्षक मधील क्रूर थंडगार रक्ताच्या खलनायकी भूमिकेनंतर एकदम विरुद्ध स्वभावाची भूमिका राहुल बोसने केली आहे .जावेद जाफरी गंभीर भूमिका ही छान करतो हे यातून कळते .

समर खान ने दिग्दर्शित केलेला हा चित्रपट एप्रिल 2008 साली प्रदर्शित झाला होता .