अलक ..७

अलक....७

 गेले चार दिवस तो विद्युतदाहिनीवर अंत्यसंस्काराचे काम करीत होता .आताही एक म्हातारा ट्रॉलीवर झोपला होता.बटन दाबून ट्रॉली आत जाणार इतक्यात एक तरुण हातात केकचा बॉक्स घेऊन धावत आला. "आज त्यांचा वाढदिवस आहे. जाण्यापूर्वी केक भरवू का ....??  काही न बोलता तो बाजूला झाला आणि घरी फोन केला . गेले कित्येक दिवस तो बापाशी बोलला नव्हता." मला वाटलेच तू फोन करशील . कालच माझा वाढदिवस सुनेने आणि नातवाने साजरा केला फक्त तुझी कमतरता जाणवली .."डोळ्यातील अश्रूंना वाहू देत त्यानं विद्युतदाहीनीचे बटन दाबले . ट्रॉलीवरचा म्हातारा छातीवर केकचा तुकडा घेऊन आत गडप झाला .

© श्री. किरण कृष्णा बोरकर